May 20, 2007

• 

  

  南華喺香港球壇既實力
  相信大家都知道有多強橫
  咁多年以嚟
  隨著以前精工寶路華
  到東方,快譯通,好易通等
  到現時依然屹立不倒的班霸
  就得南華而已
  由80-90年代已經開始而家

  今日的相片繼續是"喬寶寶靚仔寫真"
  
  
  我認為香港足球好大程度都需要外緩
  以前如是,現在亦如是
  反正香港本身就係一個半聯合國既地方
  除街都見到來自五湖四海的黑人白人
  加添左好多唔同國藉既人士參與球賽
  水準提高
  確實會更好睇
  入場觀眾自然會更多

  
  
  如果香港可以多啲請好多唔同既國家隊
  同香港隊踢友誼賽如賀歲盃
  香港足球的水準應可以適量提高
  且會加添好多既娛樂性
  不用現在只是球會級層面邀請咁單調吖

  
  
  又或者
  香港隊可以用主客形式
  去中國唔同省份既地方比賽
  首先會更增競賽意義和氣氛
  到香港主場時候
  入場人數應該不會少吧
  尤其是國內足球現正進步飛躍之中
  香港足球也不應太落後國內的步伐啊

  
  
  又同大家講下印度足球
  印度當然都有職業足球聯賽
  但印度天氣就比較熱
  每場波都成30幾40度
  所以未必會可以吸引到咁多西方或亞洲球員適應到
  所以印度足球就請左好多中東或者非洲既國腳
  但係比較無咁有名氣
  不過都大致場場爆滿架
  好受歡迎
  可能是因為入場戲飛好平啦
  大概折算$30港紙左右
  而印度國家隊嘛
  大概都佔亞洲二十大之內吧
  希望遲啲會進步啲啦

  
  
  至於我最喜愛既球隊呢
  毫無疑問肯定是利物浦
  
  以前最喜歡佢地既小丑門將-高巴拿(周杰倫笑:是啊!他與你有點似呢)
  然後到比士利,杜格利殊我都很喜歡
  但說到偶像級就真係要數魯殊
  我差唔多就係睇佢踢波
  先有後嚟踢足球的衝動

  
  
  但係利物浦作客就真係離晒譜既
  近幾年都係因為咁交唔出好成績
  但就一味有運
  無計啦!
  所謂謀事在人,成事在天
  凡事都要講返三分運氣既
  就是所謂的"波係圓既"
  所以喺嚟緊既歐聯決賽
  雖然不是主場
  面對勁旅AC米蘭
  不被外界睇好
  但我還是支持佢地
  重炮手-懷斯同隊長-謝拉特
  有佢地壓陣已經好足夠
  不會輸的利記,我支持你

  
  
  (港版周杰倫按:小弟和寶寶都非常多謝網友的支持

                  寶寶看來經已極速從頽廢回復過來

                  今日見面已經一洗不快

                  商量過是否可以講一講

                  因咩事咁唔高興
                  但寶寶非常厚道

                  話怕講出嚟可能會對某啲人唔係咁好

                  只容許我略略講個大概

                  我盡力而為吧!

                  事情大概就是

                  寶寶和"某朋友"去做一件事

                  而"某公司"理應不知情

                  但最後就是"某公司"確實知道了

                  且做出了對"某朋友"不利的行為

                  而由於寶寶和"某公司"的關係一向不錯

                  "某朋友"就認定事件和寶寶有關
                  寶寶大呼冤枉且為"某朋友"的怪責而不快

                  而這隻死貓也看來不會有沉冤得雪之望

                  事情便是如此了

                  anyway,既然事情不發生也發生了

                  寶寶也就唯有向前看

                  忘記過去

                  否則還能怎樣呢?
                  寶寶自然明白這道理

                  所以也就經已回復過來了!
                  不用為他擔心

                  另p.s.我和寶寶都是足球狂熱球迷

                  這也令我們更加相得
                  只不過我是曼聯fans而已)  

  • 6:10 pm
  • 24 Comments