August 13, 2007

• 當然也替他開心
  有份上去玩已經很好彩
  我自己都好想玩
  好多獎金好刺激好吸引

  大陸登台見到咁大個自己好開心
  

  
  另外是沉寂了個多月的歐洲聯賽逐一開鑼
  我最鍾意英超
  我的愛隊利物浦今年積極招兵買馬
  陣容碪稱近年最強
  希望佢地今年表演好啲
  能夠同曼聯車仔拗下手瓜啦
  雖然第一場都叫做驚濤駭浪
  幸好隊長謝拉特還是非常靠得住
  首場報捷都係一個好開始吖
  
  食飯遇上的達明哥
  

  
  英超抄得火熱之餘
  香港聯賽好像也漸入佳境
  除了風頭最盛的南華之外
  當年同南華鬥個好戲連場的東方也回來了
  希望香港足球聯賽也能重回盛世吧
  畢竟現場睇波始終有氣氛得多
  
  我們一樣都愛工作後約埋同事食飯
  

  
  我很喜歡球類活動
  當然首推足球啦
  除了睇波之外也會踢波
  上次對周杰倫隊
  佢地球隊踢法好狼好狠
  我都勇戰受傷
  幸好沒有大礙
  只是輸了比賽
  不過我們已約定月尾約戰報復

  有幸登台聽到很喜歡的湯寶如小姐唱歌,一樣咁好聽
  
  
  
  一說起足球便滔滔不絕
  其實近來又迷上了桌球
  以前其實都有打過一排
  不過已經好耐無打
  碰巧一叮聯盟中幾位成員
  啤神悟空,一叮美少女同埋翻版周杰倫都會打桌球
  便去切磋切磋
  豈料一拼之下
  結果教人震驚
  我們四人實力竟然是旗鼓相當.....(一樣咁渣)
  所以都幾好玩
  這篇blog便是在剛和翻版周杰倫深夜打完桌球後完成的
  都不可謂不狂熱架

  老前輩修哥,如果佢肯教我跳舞都唔錯,旁為沒了爆炸頭的爆炸猛男,也挺猛吧!
  

  
  近來還嘗試了打哥爾夫球
  不過呢樣就真係難上手好多了
  但去左個地方真係幾好玩
  值得推介
  叫做滘西洲
  船票連打哥爾夫球連食飯
  一站式都好平好經濟
  絕對值得入去扮下富豪
  不過我玩哥爾夫天份唔高
  所以我就未必會再玩

  個人認為很運動型的健康靚女鄧穎芝小姐
  
  
  網友們也記緊要多運動哦
  太多坐喺度的時間
  我地香港人工作狂出晒命冠絕同儕
  然後是落吧,唱K,打牌等
  都是坐多過郁
  這樣好像很不健康呢
  沒有喜歡的球類活動興趣
  志趣相投兼有空閒的同伴少
  地少人多求過於供以致場地少......
  可能都是原因
  那就至少去參加健身中心
  勝過發現越坐越肥胖時再去地獄式纖體
  我近呢一年運動多左就覺得自己自然瘦左
  最緊要是自己覺舒服啲健康啲

  • 8:04 pm
  • 41 Comments